Drejtuesi i emisionit investigativ “Stop”, Saimir Kodra ka treguar të tjera detaje për skandalin e publikuar mbrëmjen e djeshme, teksa pedagogu Denis Himçi i kërkonte favore seksuale studentes së tij në këmbim të marrjes së provimeve.
I ftuar në “Opinion”, Kodra ka zbuluar më shumë për mënyrën se si është realizuar video-përgjimi.
“Është një përgjim që studentja e bëri me ndihmën tonë. Nuk është e vetmja histori në universitetet tona. Njerëzit pyesin sa e ka provokuar vajza, etj… Gjëja e parë që kam çuar studenten, i kam thënë do vishesh me xhinse e bluzë. I erdhi shpirti në majë të hundës asaj dhe erdhi na tha. Kodi i veshjes nuk ka qenë provokativ, në verë ka qenë me bluzë të gjatë. Në fillim të bisedës, janë dhe dy vajza që thotë ai se me këto mbarova punë. Ai thotë që unë nuk e bëjë për lekët. Tek kjo me sa duket ka këtë pjesën e kësaj bukurisë, po i ble unë dhe parfumin asaj pedagoges tjetër”, deklaroi Saimir Kodra.
Ndër të tjera, moderatori shprehet se regjistrimi është realizuar për afro një javë, ndërsa ka qenë fundi i sezonit akademik.
Sipas Kodrës: “Kjo vajzë nuk ka provokuar, organet kompetente kur të vijnë unë, do t’iu vë gjithë materialin në dispozicion. Ndërmjetës ka qenë një shoqe tjetër, njihej mes studentëve ky. Vajza ka patur një konsulencë nga ana jonë që të mos provokonte”.
