Pas deklaratave të nënkryetarit të grupit parlamentar të CDU/CSU Johann Wadephul dhe relatorit përgjegjës, Christian Schmid, ka reaguar sekretari i Përgjithshëm i PD-së, Gazment Bardhi. Ky i fundit, ndër të tjera shkruan në Facebook se “koha e propagandës ka mbaruar”.
Reagimi i plotë i tij: “Mirënjohje për mbështetjen e ndershme dhe mesazhin e qartë që Bundestagu i jep Shqipërisë në procesin e integrimit europian përmes Nënkryetarit të Grupit Parlamentar të CDU/CSU z. Johann Wadephul dhe relatorit për Shqipërinë, z. Christian Schmidt. Mesazhi është i qartë: Pa plotësuar kushtet e vëna nuk ka asnjë mundësi për Shqipërinë për të hapur negociatat. Koha e propagandës ka mbaruar! Shqipëria nuk mund të mbetet peng i qeverisjes së dështuar dhe të refuzuar të Edi Ramës”.
