Pas degradimit të situatës në protestën e 16 shkurtit, opozita dha njoftimin për protestën e radhës e cila do të kulmojë nesër. Forcat e rendit janë në gatishmëri të plotë, e ndërsa masat janë të shtuara, pasi sinjalet janë për një ‘hakmarrje’ nga ana e opozitarëve. Pas lëvizjes së radhës nga ana e Gramoz Ruçit për shtyrje të seancës, Rama i frikësohet një përplasje me opozitën.
Ruçi në daljen e sotme para mediave nē orën 17:00, pritet tē njoftojë anulimin e seancës plenare.
Shtyrja e seancës për një ditë tjetër bëhet edhe me qëllimin që t’i jepet kohë opozitës të reflektojë pēr djegien e mandateve. Në lojë janë futur edhe ndërkombëtarët, të cilët sot dhanë mesazhe të qarta pasi dolën nga selia blu.
Disa ambasadorë janë takuar sot me Lulzim Bashën dhe Monika Kryemadhin. Ndërkohë opozita duket e vendosur, për t’i shkuar deri në fund vendimit të saj radikal.
Ambasadori i BE-së në Tiranë, Luigi Soreca, në një dalje për mediat tha se është treguar i qartë me Bashën sa i takon vendimit për djegien e mandateve të deputetëve të opozitës.
Ai deklaroi se BE nuk e pranon dorëheqjen e të gjithë opozitës nga mandatet e tyre politike. “Fola me secilin dhe është mjaft e rëndësishme për të ndarë këto pozicione. BE ka qenë mjaft e qartë, i kemi shpjeguar liderit të PD dhe pozicionin tonë.
Është e rëndësishme për të folur dhe diskutuar. Nesër është një ditë e rëndësishme, presim që të mos jetë e dhunshme, procesi demokratik duhet të prevalojë”, u shpreh Soreca.
