Ish-deputeti Edi Paloka ka folur para protestuesve të mbledhur para Kryeministrisë, ndërsa është vënë re një politizim i protestës së ashtuquajtur “kombëtare”.
Nëse në protestat e mëparshme kanë munguar flamujt politikë, këtë herë ka qenë ndryshe. Që në nisje janë parë flamuj të shumtë të PD-së, por jo të LSI-së.
Edhe në nisje të protestës, Paloka mori fjalën dhe theksoi se po vjen ai që e quajti “kryeministri i ardhshëm”, duke iu referuar Lulzim Basha.
“Po vjen kryeministri i ardhshëm, Lulzim Basha! Ngrini të gjithë dy gishtat lart”, ka thërritur Paloka, gjë që me siguri nuk u ka pëlqyer simpatizantëve të Lëvizjes Socialiste për Integrim.
