Sikundër u vendos në mbledhjen e Këshillit Kombëtar të PD, çdo të enjte Lëvizja Socialiste për Integrim dhe Partia Demokratike do të shkaktojnë kaos në rrugët e vendit.
Basha dhe Kryemadhi u dakordësuan dje që të bllokojnë rrugët në 12 qarqe, nga 5 që u bllokuan javën e kaluar. Gjatë mesditës, kryedemokrati i shkoi në zyrë kryetares së LSI, Monika Kryemadhi, ndërsa pas takimit me të, në një prononcim për mediat njoftoi se sot në orën 18:00 do të bllokohen akset kryesore rrugore në të 12 qytetet kryesore të vendit.
“Ne do të vazhdojmë aksionin tonë në të gjitha planet. Nesër në orën 18:00 do të nisë aksioni në 12 qarqet e vendit, për bllokimin e akseve kryesore si një intensifikim, si një përshkallëzim i mosbindjes civile”, deklaroi ai. Më tej, Basha theksoi se vendi është në një krizë të thellë politike dhe kushtetuese, duke ia faturuar fajin kryeministrit Edi Rama.
