Duke nisur nga dita e sotme, Partia Demokratike, tashmë do të jetë më pranë qytetarëve në terren. Sipas informacioneve, Pd-ja ka vënë në zbatim një strategji të re, ku përfshihet dhe një tur i quajtur “Rrugëtimi për Shqipërinë”.
Gjatë këtij turi, kryetari i PD-së, Lulzim Basha do të zhvillojë çdo pasdite dëgjesa publike me qytetarët.
Pika e parë e takimit do të jetë ditën e sotme, në orën 17:00, në Elbasan. Ndërsa, nesër deri të premten, Basha do të jetë në Korçë, Shkodër, Vlorë dhe Krujë.
Si objektiv kryesor, synohet që PD-ja të mbledhë dhe të hartojë zgjidhje afatgjata për problematika që shqetësojnë popullin e thjeshtë.
