Partia Demokratike ka reaguar sërish për protestën e dhunshme brenda selisë blu. PD akuzon Berishën se po rrezikon jetën e dhjetëra demokratëve, me aktet e dhunës së sotme. Thirrja vjen ndaj protestuesve për të ndalur dhunën, por edhe ndaj institucioneve që të ndërhyjnë për të shmangur një tragjedi të mundshme.
“Sali Berisha po rrezikon jetën e dhjetëra demokratëve me aktet e dhunës së sotme! Me një akt të paprecedentë, mercenarët nën urdhrat e tij, po sulmojne godinën e Partisë Demokratike, duke vënë në rrezik real jetën e drejtuesve më të lartë të Partisë Demokratike në qendër dhe në rrethe, si dhe të dhjetëra demokratëve të tjerë. Gjakderdhja duhet ndalur nga institucionet ligjzbatuese! I bëjmë thirrje institucioneve të ndërhyjnë për të shmangur viktimat e dhunës së Sali Berishës mes demokratëve!”.
