Kreu i Bindjes Demokratike, Astrit Patozi ka prezantuar emrin e ri që i bashkohet partisë së tij. Ai është Juel Velo, i cili i bashkohet projektit të Bindjes Demokratike, për një ndryshim të fortë politik në Shqipëri.
“Me Juel Velon, informaticienin e ri, që i bashkohet projektit tonë për një ndryshim të fortë politik në Shqipëri”, shkruan Patozi, bashkëngjitur fotos në fjalë.
Në një intervistë të dhënë më herët, Patozi është shprehur se Bindja Demokratike po punon për të qenë forcë përcaktuese qeverisëse.
“Se sa mandate do të fitojë Bindja Demokratike nuk di ta them, sepse nuk e kam mbajtur veten as për profet dhe as për fallxhor, di të them vetëm që po bëjmë të gjitha përpjekjet tona për të pasur një rezultat sa më dinjitoz në këto zgjedhje, dhe ne synojmë të jemi forcë përcaktuese qeverisëse”, tha Patozi.
