Kreu i Bindjes Demokratike, Astrit Patozi është bërë bashkë me gazetarët para Kuvendit, për të protestuar kundër miratimit të paketës “Anti-shpifje”. Sipas tij, ky projekt-ligj është gjëja më e keqe që mund t’i ndodhte vendit në këtë moment.
Sipas Patozit, kryeministri Rama duhet ta shtynte për më vonë, pasi Shqipëria është në gjendje emergjence nga tërmeti.
“Ky projekt-ligj është gjëja më e keqe që mund të vinte në këtë moment si për kohën, si për shtypin dhe për çdo gjë. Lajmi i mirë është që edhe në qoftëse miratohet, gjithçka nuk do të kalojë me kaq.
I vetmi mesazh që kisha për z. Rama sot është që ta shtynte këtë ligj, duke mos cënuar palët. Shqipëria është në gjendje emergjence për tërmetin, jo për fjalën e lirë”, tha Patozi.
