Gruaja ish-balerinë e Kim Jong-un, Ri Sol-ju u shfaq për herë të parë në publik këtë javë pas përhapjes së spekulimeve se ishte ekzekutuar.
Ajo është e martuar me një nga burrat më të fuqishëm në botë, por jeta e saj private është e mbuluar me mister, shkruan The Sun.
Besohet gruaja e diktatorit se jeton një jetë të mbuluar nga luksi në pallate gjigande, shampanjë të shtrenjtë e avionë privatë. Fëmijëria e Ri në qytetin verilindor të Chongjin është gjithashtu e veshur me mister, ndërsa analistët besojnë se dhe emri i saj është një pseudonim.
Çifti ka tre fëmijë, një djalë të lindur në 2010, një vajzë të lindur në 2013 dhe një i tretë i lindur në vitin 2017, gjinia e të cilit nuk është publikuar, ashtu si dhe asnjë nga emrat e tyre.
Çifti besohet se janë martuar në 2009 por Ri nuk është prezantuar publikisht si gruaja e Kim deri në vitin 2012. Ri njihet për shijet e shtrenjta në jetën personale, në një kohë kur popullsia e Koresë së Veriut është nga më të varfrat në Azi. Ri është parë në një kostum Chanel 9,000 dollarë dhe raportohet e zoteron një koleksion orash dore me vlerë 7 milionë dollarë.
