E mërkurë, 16 Qershor, 2021
27.5 C
Tirana

Stoltenberg thekson rrezikun që paraqet Kina

Sekretari i Përgjithshëm i NATO-s Jens Stoltenberg i bëri thirrje të premten Evropës, Kanadasë dhe Shteteve të Bashkuara të mbështesin rendin ndërkombëtar të bazuar në rregulla, të cilat po sfidohen nga Rusia dhe Kina. Ai e përshkroi fuqinë në rritje të Pekinit si një çështje përcaktuese.

Fuqia në rritje e Kinës po riformëson përparësitë e aleancës Atlantike, e cila tradicionalisht është përqendruar tek kërcënimi që vjen nga Rusia, por tashmë po kërkon një konsensus mes vendeve perëndimore që Pekini nuk është më një partner i parrezikshëm tregtar.

“Kina dhe Rusia po përpiqen të rishkruajnë rregullat për interesa të tyret”, tha zoti Stoltenberg gjatë Konferencës së Sigurisë në Mynih, e cila u mbajt virtualisht.

“Ngritja e Kinës është një çështje përcaktuese për komunitetin transatlantik, me pasoja të mundshme për sigurinë tonë, begatinë dhe mënyrën tonë të jetës”, tha zoti Stoltenberg nga Brukseli përmes një fjalimi të mbajtur virtualisht.

Megjithëse Rusia do të vazhdojë të mbetet kundërshtari kryesor i NATO-s gjatë kësaj dekade, aleanca po shqyrton përfshirjen e Kinës në dokumentin zyrtar të strategjisë kryesore të NATO-s, “Konceptin Strategjik” të saj, për t’u përballur me ngritjen e saj ushtarake.

Zoti Stoltenberg tha se aleanca prej 30 anëtarësh mund të krijojë gjithashtu lidhje më të ngushta me vendet jo anëtare të NATO-s si Australia dhe Japonia./VOA/

- Reklama -

Më shumë nga kategoria




Të fundit

Studimi: 25% e pacientëve me Co*id, përjetojnë simptoma afatgjata të sëmundjes

Një studim i ri në Shtetet e Bashkuara zbulon se rreth 25 për qind e pacientëve me COVID-19 kanë përjetuan probleme të reja shëndetësore...

10 shprehje nga Gynter Gras, që duhet t’i lexojmë të paktën një herë

"Edhe librat e këqij janë libra, kështu që janë të shenjtë". "E di që Sot të gjitha gjërat kanë sy, se asgjë nuk kalon pa...

Ministri i Jashtëm kroat: Jem krah Kosovës për njohje nga 5 shtete të BE

''Do jemi në krah të Kosovës që të njihet edhe nga pesë vendet që nuk e njohin ende.'' Ministri i Jashtëm i Kroacisë, Gordan...

Kim Jong Un e pranon: Koreja e Veriut po vuan nga kriza ushqimore

Udhëheqësi i Koresë së Veriut, Kim Jong Un deklaroi se vendi po përballet me një krizë ushqimore, për shkak të përmbytjeve, situatës së pandemisë...

Takimi me Kurtin/ Vuçiç: Mbase e fyeva, por nuk pendohem

Presidenti i Serbisë Aleksandër Vuçiç, ka folur për takimin e djeshëm që pati në Bruksel, me kryeministrin e Kosovës Albin Kurti. Në një konferencë për...