Atletet e bardha ndonëse janë praktike dhe mjaft të lehta për t’u kombinuar me gjithçka, janë tejet të vështira për t’u mbajtur. Për të hequr ngjyrën e hirtë që ato kanë marrë me kalimin e kohës, juve ju duhet vetëm një pastë dhëmbësh, dhe ngjyra e bardhë do kthehet si me magji.
Me një furçë të vjetër që s’e përdorni më, fshini pjesët më të ndotura të këpucëve, por shmangni materialin e leckës. Kjo metodë është vetëm për gomën e atleteve.
Po kështu, një pastrues thonjsh me bazë acetoni vepron shumë mirë gjithashtu. Holloni një sasi të vogël acetoni me ujë, dhe me një pambuk fshini pjesët ku atletet janë bërë pis.
