Një ditë më parë është konfirmuar zyrtarisht se New Yorku do të lejojë vetëm të vaksinuarit në bare, palestra e aktivitete argëtuese. Lajmi është përcjellë nga kryetari i Bashkisë, Bill de Blasio, i cili shpalosi planin e tij të quajtur “Çelësi i New Yorkut”. Kryebashkiaku ka thënë se plani i tij do të hyjë në fuqi më 16 gusht, ndërsa zbatimi do të fillojë më 13 shtator.
“Kur i dëgjoni ato fjalë, dua që ju të imagjinoni nocionin se, sepse dikush është i vaksinuar, ai mund të bëjë të gjitha gjërat e mahnitshme që janë në dispozicion në këtë qytet”, tha de Blasio.
Ai shtoi se qyteti do të fillojë inspektimin e bizneseve. Qyteti i Nju Jorkut mendohet të jetë i pari në vend që zbaton një mandat të tillë. Presidenti Joe Biden u përgjigj në mënyrë pozitive kur u pyet në një konferencë shtypi të martën pasdite, nëse ai besonte se qytetet e tjera duhet të ndiqnin shembullin, por palët e interesit në të gjithë industrinë ushqimore kanë ngritur shqetësime se si do të funksionojë programi.
Duke marrë shkas nga ky lajm, konspiracionisti Alfred Cako thotë se kjo gjë ishte parashikuar nga ai vetë muaj më parë.
“E mbani mend kur ja u thoja qush vjet ne mars harten e rruges?! Sa gure hodhet mbi mua? Sa me mallkuat qe “shpifja dhe perhapja panik”; madje ka budallenj qe ende me shajne!!!”, shkruan ai në një postim në Facebook.
Cako është ndër të parët që ka folur hapur për atë që fshihet pas përhapjes së sëmundjes globale. Në një intervistë të dhënë në “Abc-ja e mëngjesit” një vit më parë, ai e cilësoi situatën e krijuar nga koronavirusi një “plandemi” që është bërë me qëllim për të ulur numrin e popullsisë së botës. Madje ai zbuloi se vaksina do të bëhej e detyrueshme nëpërmjet disa masave shtrënguese, dhe nëse kjo nuk do të kishte sukses, përdorimi i saj do të bëhej dhe me dhunë.
“Në muajin tetor-nëntor do përpiqen të bëjnë vaksinën me shtrëngim, domethënë do të privojnë nga disa të drejta, përshembull nuk ke të drejtë të ngasësh makinën nëse nuk ke atë çertifikatën e vaksinës, nuk do të lënë të marrësh pensionin për të bërë vaksinën, nuk do të lënë të punosh të administratë shtetërore, të shkosh në shkolla publike apo private, nuk do të japin numër sigurimesh edhe nga biznesi privat dhe nuk të lejojnë të punësohesh nëse punëmarrësi nuk paraqit çertifikatat e vaksinave.
Kjo vaksinë nëse nuk do të ketë sukses me këto masa shtrënguese, mund të përdoret edhe varianti kinez që të bëhet me dhunë dhe me polici. Po shkojmë drejt këtij skenari, që i shërben depopullimit dhe uljes së përgjithshme të popullsisë sipas disa studimeve që do t’i botoj shumë shpejt në fund të muajit, që do të jetë libri i parë i lëvizjes No Vax, me referenca të studiuesve të pavarur që nuk varen nga OBSH, të cilët janë shprehur kundër vaksinave dhe kanë treguar me statistika rastet e vdekjeve para vaksinimit dhe pas shtimit të çdo vaksine, të shtimit të sëmundjeve të ndryshme”, ka thënë ai në 22 korrik, 2020. Një parashikim i frikshëm, që duket se ka dhënë sinjalet në shumë shtete.
Burimi i lajmit: CNBC. Përshtati: Tirana Today
