Qeveria australiane ka arritur të nxjerrë një faturë paraprake sesa do të jetë dëmi i shkaktuar nga zjarret në turizëm. Përveç kostove të dëmeve të shkaktuara nga zjarret, faturës ekonomike do t’i shtohet edhe një kosto prej 4.5 miliardë dollarë që australianët do të humbasin nga turizmi këtë vit.
Këshilli Australian i Eksportit të Turizmit me qendër në Sidnej (ATEC), organi kryesor i industrisë që përfaqëson sektorin e eksportit të turizmit të Australisë, bëri një studim të ri.
ATEC deklaroi se sipas studimit, numri i prenotimeve është ulur në mënyrë të konsiderueshme krahasuar me vitin e kaluar, me një kosto 4,5 miliardë dollarë në industri, deklaroi sot ATEC.
Të paktën 70% e 850 anëtarëve të ATEC regjistruan një numër të konsiderueshëm anulimesh udhëtimi në Australi nga vizitorët ndërkombëtarë, deklaroi Peter Shelley, drejtori menaxhues i ATEC-së.
