Ish-kryeministri, Fatos Nano ka folur pas takimit që zhvilloi ditën e sotme me kryeministrin Edi Rama në Durrës.
Ai është shprehur se nuk bëhet fjalë për çështjen e timonit qeverisës që aq shumë është përdorur nga kryeministri Rama përgjatë kësaj fushate elektorale, por bëhet fjalë për destinacionin politik.
Nano ka përdorur shprehjen e njohur të Ramës: Nuk keni parë gjë akoma. Ai nuk dha detaje por tha se “nuk bëhet fjalë për çështje timoni, por destinacioni”, shkruan BalkanWeb.
Rama dhe Nano u takuan pasditen e sotme në zonën e vilave qeveritare në Durrës, sot rreth orës 17.30, ku ndenjën për rreth dy orë së bashku.
