Kreu i LZHK-së, Dashamir Shehi, ka folur pas takimit të sotëm mes opozitës jashtë parlamentare dhe presidentit Meta.
Në një prononcim për gazetarët, Shehi tha presidenca dhe kryeopozitari Basha do të dalin më vonë në deklaratë për mediat.
“Presidenca do të dalë vetë më një deklaratë të saj. Kjo është punë e gjatë shumë. Edhe zoti Basha do të mbajë një deklaratë më vonë, pasi të mbarojë takimin me ministrin e Jashtëm të Suedisë. Më mirë me ato letrat zyrtare që të mos bëhet rrëmujë”, tha Shehi.
Takimi i cili nisi në orën 9 të mëngjesit, zgjati rreth 90 minuta. Pas takimit Basha u largua me makinë nga Presidenca.
