Atëherë kur dukej se Wuhan po përjetonte pak qetësi nga pandemia, një tjetër situatë problematike është shfaqur.
Wuhan, provincat Anhui, Jiangxi dhe Zhejiang kanë shpallur alarmin e kuq për shkak të përmbytjeve. Reshje të shumta me rrebeshe kanë shkaktuar rritjen e nivelit të lumenjve, duke sjellë probleme në shumë fshatra.
Liqeni Poyang në provincën Jiangxi ka pësuar një rritje të nivelit të ujit, duke shkaktuar përmbytje në zonat përreth.
Wuhan është cilësuar shpesh si epiqendra prej nga u shpërnda koronavirusi. Mijëra persona u infektuan në atë rajon, duke cuar edhe në hapjen e spitaleve të reja të posaçme.
Mirëpo prej kohësh tashmë, Wuhani dhe Kina në përgjithësi duket se e kanë marrë veten nga pandemia, pasi shifrat e raportuara janë shumë të vogla.
Ndërkohë, situata nuk duket po aq mirë në vende të tjera të botës, ku koronavirusi vijon të jetë një problem i madh.
