E hënë, 21 Qershor, 2021
32.5 C
Tirana

Pas ndeshjes/ Olsi Rama e quan burrëror Partizanin në derbi, shigjeton Sormanin

Partizani ishte shumë pranë fitores mbrëmjen e djeshme, derisa një gol nga Muçi i shoi të gjitha shpresat në minutat shtesë.

Partizani po udhëhiqte derbin 1-0 deri në minutat shtesë, ku i sapoaktivizuari nga klubi i Tiranës shënoi golin e barazimit.

Pa trajnerin Sormani në stol dhe stafin e tij italian, por me drejtorin Olsi Rama aty, që udhëzonte “demat” bashkë me Kalarin dhe Genc Tomorrin, kampionët ende në fuqi kanë marrë një pikë në këtë përplasje. Mbas ndeshjes, Rama ka folur për mediat, duke nënvizuar:

“Do të kisha shumë dëshirë ta nisnim me ndeshjen, pasi kjo ishte gjëja më e rëndësishme. Situata e krijuar në klub nuk ishte optimale. Na mungonin 7 lojtarë, ku 5 kanë dalë pozitivë me Covid-19. Ndeshja ishte përgatitur me tre prej futbollistëve të prekur, ndaj u detyruam më pas të ndryshonim planet. Njëherë kanë thënë se futbolli është sport burrash, sot luajnë edhe femra. Jam krenar për skuadrën, treguam se jemi burrërorë.

Mungesa e Sormanit? Secili ka parimet e veta në jetë. Ai vjen nga Italia dhe mbase atje kanë kulturë tjetër. Partizani i ka ndjekur me rigorozitet të gjitha protokollet. Kemi bërë një testim para 10 ditësh. Një futbollist kishte temperaturë. E kemi mbajtur në karantinë, doli negativ. Bilali gjithashtu doli negativ. Jemi treguar “fair-play”. Nuk kërkuam për asnjë moment të shtyhej ndeshja. Kishim besim se dimë të luajmë futboll nga fillimi deri në fund. Kjo ka ndodhur këto ditë. Ne do të komunikojmë me stafin teknik. Ata janë trajnerë të Partizanit. S’e kam bërë kurrë trajnerin. U ula në pankinë me Gencin. Në këtë situatë të tillë, duhet të ruhemi, por nuk duhet të kesh frikë të vazhdosh jetën duke marrë masat.

Lexo edhe :   Levandovski mban gjallë shpresat e Polonisë, Spanja komplikon kualifikimin

Unë e përjetoj ndeshjen njësoj si në stol, si në tribunë, si në shkallët e stadiumit. Sigurisht më vjen keq, sepse mendoj gjithmonë për djemtë që derdhin djersë dhe lodhen. Dalin nga fusha me dëmtime nëpër trup, me dhimbje. Mendoj se me të vërtetë e meritonin fitoren. Ofendimet e tifozëve? Ne luanim në fushën tonë, por Tirana jashtë konceptit të “fair-play” kishte më shumë tifozë në stadium. Nuk mendoj që është e ndershme, që në një situatë të tillë të dëgjohen edhe të sharat, edhe ngacmimet ndaj lojtarëve. Për mua është e papranueshme.

Ne ishim organizatorët, por s’kemi asnjë gjë në dorë në organizim. Kishte edhe njerëz të Partizanit që ishin ftuar, brenda numrit të limituar që ne kemi. Asnjë më tepër. Kishte edhe gazetarë. Nuk e keni parë ndeshjen nga poshtë që të kishit konceptin tamam si ishte e rreshtuar tifozeria. Me vjen keq që nuk i dhamë dot kënaqësinë e fitores tifozëve të Partizanit. Megjithatë besoj se janë krenar që luftuam deri në fund”.

Lexo edhe :   Levandovski mban gjallë shpresat e Polonisë, Spanja komplikon kualifikimin

Vlerësimi i sezonit? Unë e them që tani që nuk është i suksesshëm aspak. U nisëm me premisa të tjera dhe duhet të ishim në pozicion tjetër në renditje. Asgjë në jetë nuk mund të humbet. Edhe atje ku ti humbet, mëson diçka. Shpresoj që këto eksperienca të na kenë mësuar më tepër, në mënyrë që në vitet e ardhshme të ndërtojmë gjërat në baza më të shëndosha dhe të jemi më të saktë. A do qëndrojë Alban Hoxha? Kapiteni është akoma lojtar i Partizanit. Dëshira e tij dhe e klubit është që të vazhdojmë bashkë”.

- Reklama -

Më shumë nga kategoria




Të fundit

Bie qeveria në Suedi/ Löfven, kryeministri i parë që rrëzohet nga parlamenti

Parlamenti i Suedisë ka mbështetur një votë mosbesimi ndaj kryeministrit të qendrës së majtë, Stefan Löfven. Ai bëhet kryeministri i parë që rrëzohet nga...

Teknologji/ Si transferohen numrat nga Android në iPhone shumë thjesht

Si transferohen numrat e regjistruar nga Androidi në iPhone duke përdorur një adresë e-maili në Google 1-Së pari sigurohu që kontaktet tuaja të jenë të...

Dorëheqja e Ruçit/ Zheji: E largoi Rama

Analisti i njohur, Artur Zheji deklaroi se kryeministri Edi Rama e largoi kryetarin e Kuvendit Gramoz Ruçi nga Partia Socialiste, për të patur një...

Bie miti: Sipas FBI-së edhe kriptomonedhat janë të identifikueshme

Javën e kaluar, Departamenti amerikan i Drejtësisë, njoftoi se kishte zbuluar dhe konfiskuar pothuajse gati të gjitha bitcoin-et që ishin paguar në formën e...

10 shprehje nga Servantes, që duhet t’i lexojmë të paktën një herë

"Mos u lut kurrë për diçka që ke mundësi ta fitosh". "Të vërtetën tërhiqe sa të duash, ajo kurrë nuk këputet dhe gjithmonë del mbi...