Policia bën me dije se treni i linjës Durrës-Kashar ka përplasur një mjet në fshatin Domje, mëngjesin e sotëm.
Makina me drejtues shtetasen E.M gjatë përplasjes është spostuar në një kanal, ndërsa fatmirësisht nuk ka pasur të lënduar.
Njoftimi i policisë:
Tiranë/Informacion paraprak
Më datë 11.07.2020, rreth orës 08:12, në fshatin Domje 2, treni i linjës Durrës – Kashar me mashinist G.B., ka aksidentuar mjetin me drejtuese shtetasen E.M, duke e spostuar mjetin në kanal.
Nga aksidenti nuk ka persona të lënduar, vetëm deme materiale.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
