Ballkani s’po gjen qetësi nga tërmetet këtë fundviti. Pas tërmetit të fortë e që la pasoja të mëdha dje në Kroaci, një tërmet me magnitudë 4.2 i shkallës rihter janë ndjerë gjatë mesnatës në Greqi.
Sipas Institutit Gjeodinamik të Observatorit Kombëtar të Athinës, tërmeti kishte një thellësi prej 9.7 km, ndërsa epiqendra ishte 16 km në veriperëndim të Aigios dhe është ndjerë në zonat e Akaisë dhe Etoloakarnanisë.
Kujtojmë këtu se Kroacia u godit dje nga një tërmet me magnitudë 6.4 të shkallës Rihter, dhe për pasojë kanë humbur jetën shtatë persona, ndërsa dhjetëra të tjerë kanë mbetur të plagosur.
