Pas Elbasanit, forcat speciale kanë zbarkuar në Vlorë. Policia shqiptare me forca të shumta speciale nga Tirana dhe qarqe të tjera, kanë nisur mbrëmë vonë një operacion të gjerë edhe në një zonë tjetër problematike të krimit në vend.
Për gjatë gjithë natës, deri në orët e para të mëngjesit të sotëm, policia ka ushtruar kontrolle të rrepta edhe në kërkim të personave të rrezikshëm.
Forcat Speciale me në krye RENEA-n, kanë ushtruar kontrolle të shumta në Vlorë.
Gjithashtu raportohet se është sekuestruar një sasi e konsiderueshme kanabisi, por ende nuk ka të dhëna për persona të arrestuar.
