Familja Zyko jetonte në Selcë, një fshat një orë larg Pogradecit. Dimrin e shkuar, kryefamiljari humbi jetën, ndërsa po shkonte në qytet për të blerë ushqime për familjen. Ai pësoi infarkt, si pasojë e të ftohtit dhe la pas 4 fëmijë jetimë, 3 vajza dhe 1 djalë. Familja bëri apel për ndihmë, pasi pas humbjes së babait nuk kishin më asnjë mbështetje për të jetuar.
Në fshat nuk kishte asnjë mundësi punësimi, ndërsa shtëpia ishte duke u rrëzuar. Pasi “Fundjave Ndryshe” publikoi apelin e tyre, një bamirës kontaktoi familjen dhe i vizitoi nga afër. Ai i dhuroi familjes Zyko një shtëpi të re në Pogradec.
“Fundjave Ndryshe” u kujdes për mobilimin dhe plotësimin e çdo nevoje për familjen, ndërsa Valbona pritet të nisë së shpejti edhe një punë. Po ashtu “Fundjavë Ndryshe” do të vazhdojë të jetë pranë familjes, të cilët tashmë do të nisin një jetë të re.
“E falenderojmë shumë bamirësin, i cili do të qëndrojë anonim, por ne na ka ndihmuar jashtëzakonisht shume. Po ashtu edhe Fundjavën, e cila ka qenë pranë nesh prej fillimit. Shtëpia është shumë e bukur, e madhe, e ngrohtë. Ne akoma nuk na besohet që kjo është shtëpia jonë,” shprehet e emocionuar familja.
Ta gëzoni shtëpinë e re!
Bamirësia nuk të varfëron!
Për të dhënë kontributin tuaj për kauzat e “Fundjavë Ndryshe”, klikoni këtu.
