Britania e Madhe pritet të zëvendësojë pasaportën e saj, duke ndryshuar dizajnin e saj.
Pas daljes nga Bashkimi Evropian, Britania pritet të rikthejë muajin e ardhshëm pasaportat blu, duke zëvendësuar kështu ato aktualet ngjyrë vishnjë. Pasaportat blu u lëshuan për herë të parë në vitin1921.
Ato dolën jashtë qarkullimit pas vitit 1988, kur anëtarët e atëhershëm të komunitetit ekonomik evropian ranë dakord të harmonizonin dizajnin.
Sekretarja e brendshme në Britaninë e Madhe, Priti Patel, tha se pasaporta do të mbajë sërish simbolet e identitetit kombëtar.Megjithatë, pasaportat ngjyrë vishnje nuk do të zhvlerësohen automatikisht por do të mbeten të vlefshme për udhëtime deri kur të skadojnë.
Sipas indeksit të pasaportave, 81 vende të botës kanë pasaporta blu, mes tyre Australia, SHBA, Kanadaja, India dhe Hong Kongu.
