Real Madrid dhe Bajern Mynih, janë dy klubet më legjendare në Europë, dhe marrëdhënia midis këtyre dy klubeve është majft e mirë. Kjo tregohet edhe nga fakti se të dyja skuadrat bëjnë merkato duke shkëmbyer lojëtarët.
Këtë gjë e bëri Real Madrid ditën e sotme, teksa nënshkroi me ish-mbrojtësin bavarez David Alaba. Por, tashmë klubi spanjoll kërkon një tjetër lojtar nga kampionët e Gjermanisë.
Sipas asaj që raporton media gjermane, BILD, madrilenët kanë filluar të bëjnë lëvizje të rëndësishme për të siguruar shërbimet e mesfushorit gjerman, Leon Goretzka.
Reali ka njoftuar lojtarin se interesohet për të, por thjesht duhet të presë edhe një vit. Goretzka është në vitin e fundit të kontratës dhe ashtu siç bëri Alaba para tij, ka refuzuar rinovimin me klubin e Bajernit pasi nuk është kënaqur nga oferta ekonomike që i kanë bërë.
