E shtunë, 31 Korrik, 2021
31.5 C
Tirana

Mendoj të keqët

Nga Artan Fuga

Mendoj për ata që shohin padrejtësi dhe heshtin, mendoj për ata që flasin për drejtësinë në yje dhe nuk dinë të venë rregull te çorapet e tyre të palara, mendoj për ata që kanë frikë se mos dëmtohen nëse luftojnë që të mos vdesin, mendoj për ata që shkelen me këmbë dhe kujtojnë se janë shtrirë në buzë detit, mendoj  për ata që çdo kapterr i therr si berr, pupupu beterr.

Mendoj ata me psikologji skllavi që i tremb vetëm një vështrim, mendoj ata që lëshojnë të gjitha hapësirat për të ndejtur me një këmbë në buzë të greminës, mendoj për ata që presin që problemet e tyre t’i zgjidhin heronjtë, hahahaha : heronjtë, mendoj për ata që guximin e kanë vetëm të shkruajnë letra anonime në rrjete sociale dhe kujtojnë se nuk janë zbuluar si Adami me fletë fiku para organit seksual, mendoj për ata që e shumta kërkesë që kanë është: na lejoni të lypim!

Mendoj për ata që nga frika pshurrin nën vete në ëndërr kur imagjinojnë se ngrenë zërin për një të drejtë minimale, mendoj për ata që fyhen nga cdo kapterr pa grada në lagje e në fshat, dhe bëjnë sikur nuk dëgjojnë asgjë, mendoj për ata që kurrë nuk kanë bërë atë që duhet në jetë, mos ky, mos ai, mendoj për ata që ndryshe kanë thënë dhe ndryshe thonë se kanë thënë, mendoj për ata që mendojnë vetëm për interesin e tyre të vogël duke ja hedhur të tjerëve, mendoj për ata që vidhen dhe vjedhin më të dobëtit, ata që kanë poshtë, mendoj ata që të fyer nga ata që kanë lart, fyejnë më keq si pasojë ata që janë poshtë.

Lexo edhe :   Ka dy mënyra për t'u sjellë me qytetarin

Mendoj për narcistët, për trutharët, për ata që mendojnë se Shqipëria ata pret që të lulëzojë, mendoj për ata që nuk dinë dhe nuk e dinë se nuk dinë, mendoj për të gjithë ata që me përuljen e tyre shekullore ushqejnë shtypjen mijravjeçare, mendoj për kalkuluesit se një nënshtrim dhe heshtje sot mund të shpërblehet me një lugë supe nesër, mendoj ata që nuk mendojnë për të tjerët, mendoj për servilët që vetëmasturbohen nën vështrimin paternalist të ndonjë ofiqari të ardhshëm, mendoj ata dhe ato që luten për një post duke bërë sikur nuk e duan, mendoj se poqese në një rast të vetëm unë do të futesha në njerën nga këto kategori, do ta përbuzja veten duke e shkelmuar si ndonjë qen rrugësh!

Lexo edhe :   Po Kosova dhe Serbia janë prej kohësh në Minishengen?
- Reklama -

Më shumë nga kategoria




Të fundit

45 raste të reja në 24 orët e fundit, asnjë viktimë

Në përditësimin e radhës nga Ministria e Shëndetësisë, vihet re një rritje e rasteve të infektimeve në 24 orët e fundit. Fatmirësisht nuk ka...

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

Vrasja e kushëririt/Autori: Unë kam qëlluar, të lirohet nipi dhe vëllai

Në njoftimin zyrtar nga policia u tha se shtetasi Kastriot Hasalla u vetëdorëzua, për vrasjen e Romeo Hasalla, 30-vjeç, dy ditë më parë. Po...

“Vëllezërit rrahin drejtorin e Kadastrës”, Lame zbulon vendimin për pronat

Kreu i Kadastrës, Artan Lame, ka reaguar ndaj një lajmi ku thuhej se drejtori i Kadastrës së Elbasanit është dhunuar. Marrë shkas nga ky...

“Këta s’kanë turp”, mjeku rikthehet në detyrë pasi e shkarkuan

Mjeku Petrit Vargu, i shkarkuar nga detyra disa muaj më parë, do të rikthehet së shpejti në detyrë, pas vendimit të formës së prerë...