Pas performances në shfaqjen “Together At Home”, Rolling Stones rikthehen si protagonistë dhe publikojne kengen më të re “Living in A Ghost Town”, i pari në 8 vjet.
Mick Jagger shpjegoi në Instagram: “Nuk u shkrua tani, por i përshtatet situatës që ne po përjetojmë. Eshtë historia e një vendi plot jetë që bëhet një vend ku nuk ka më asgjë … një qytet fantazmë”.
“Jeta ishte aq e mrekullueshme para se të na mbyllnin të gjithëve, ne ndjehemi si një fantazmë që jeton në një qytet fantazmë”, këndon Jagger.
“Pra, për ti rënë shkurt. Më shumë se një vit më parë në Los Angeles kishim menduar ta mbanim këtë këngë për albumin e ri, pastaj shpërtheu rrëmuja dhe së bashku me Mick vendosëm që kjo këngë të publikohej tani dhe kështu ndodhi”. – shpjegoi Keith Richards në një video mesazh në profilin social të grupit anglez.
“Unë mendoj se kjo këngë pasqyron gjendjen shpirtërore të momentit, shpresoj që njerëzit që do e dëgjojnë të bien dakord”, tha Charlie Watts, ndërsa Ronnie Wood shprehu mirënjohjen e tij “për të gjitha mesazhet e javëve të fundit”.
