Partia Socialiste është tërhequr nga shkarkimi i Presidentit Meta nga posti i Presidentit të Republikës.
Deputetët socialistë kanë deklaruar në Komisionin Hetimor se shkeljet e kryera nga kreu i shtetit, nuk përbëjnë shkak për shkarkim.
Deputetja Klotilda Bushka theksoi se shkeljet e kryera nga Presidenti ekzistojnë. Sipas saj, kjo përplasje bën që të miratohen disa rregullime ligjore, në mënyrë që në të ardhmen të mos kemi probleme të ngjashme.
“U shkel parimi i periodicitetit ne zgjedhje. Shtyrja e zgjedhjeve u bë pa bazë ligjore. U cenua e drejta për të zgjedhur”, tha Bushka sa i përket dekretit të Presidentit Meta për shtyrjen e zgjedhjeve lokale të 30 qershorit 2019.
Sa i takon përplasjes për emërimet në Kushtetuese, Bushka deklaroi se emërimi nga president u bë jashtë afatit 30 ditor.
