Parlamenti Evropian ka kërkuar dorëheqjen e menjëhershme të kryeministrit maltez Joseph Muscat, duke theksuar se qëndrimi i tij në pushtet rrezikon të komprometojë hetimin për vrasjen e gazetares investigative Daphne Caruana Galizia.
“Parlamenti nënvizoi se duhet bërë çdo përpjekje për të përjashtuar çdo rrezik, real apo të supozuar, për komprometimin e hetimit duke shtuar se rreziku ekziston për aq kohë sa kryeministri mbetet në funksion”, thekson rezoluta.
Kujtojmë se edhe ditën e djeshme, e djathta europiane në Parlamentin Europian kërkoi dorëheqjen e menjëhershme të kryeministrit maltez, Joseph Muscat.
