Ditën e sotme Kuvendi ka emëruar kreun e ri të AKEP, Tomi Frashëri.
Ky i fundit merr postin e kreut të Autoritetit të Komunikimeve Elektronike dhe Postare, pas dorëheqjes së Ilir Zelës, për motive personale.
“Me paqen e njeriut që i ka shërbyer publikut me përkushtim shembullor, në këtë detyrë apo në angazhime publike të mëhershme, pa lejuar në asnjë moment që interesat publike të nëpërkëmben nga presioni i pandërprerë i interesave monopoliste, ju njoftoj dorëheqjen time nga detyra e Kryetarit të Këshillit Drejtues të AKEP”, sqaroi më herët Zela në letrën e tij.
Tomi Frashëri ka mbajtur më parë postin e Shefit të Protokollit të Kryeministrit Edi Rama.
