(Daily Mail) Krijesa e cila ka pothuajse një status mitik, u fotografua nga britaniku Will Burrard-Lucas. Ndërkohë që po vërshonte rreth fushave të Kenias në mesnatë, ai ka fotografuar leopardin e zi. Kjo është hera e parë që një leopard i zi është kapur nga kamera në Afrikë në 100 vitet e fundit.
Burrard-Lucas i tha MailOnline Travel se kishte qenë ëndrra e tij për të fotografuar leopardin e zi që nga fëmijëria. Pasi mësoi se disa të tillë ishin zbuluar në zonën Laikipia të Kenias, ai vendosi të hetojë më tej dhe të ngrejë një ekspeditë këtë janar.
Duke punuar në bashkëpunim me biologët në zonë, Burrard-Lucas instaloi disa kamera në zonat ku dyshohej se qarkullonte leopardi i zi.
Ai përdori pajisje të specializuara duke përfshirë sensorë të lëvizjes me valë, kamera me cilësi të lartë DSLR.
Duke rikujtuar momentin përmes blogut të tij të fotografive, Burrard-Lucas shkruan: “Ndërsa isha duke kontrolluar imazhet që kishte kapur kamera, ndalova dhe po vështroja një fotografi që dukej pa kuptim… një çift sysh të rrethuar nga errësira e zezë … një leopard i zi!
Unë nuk mund ta besoja këtë dhe u deshën disa ditë që të besoja se kisha arritur ëndrrën time”.
Leopardët e zinj zakonisht qëndrojnë në pyje të dendura, ku mendohet se errësira të jetë më e madhe dhe ata të zhduken në të. Shumica e zbulimeve të regjistruara të leopardëve të zinj kanë qenë në pyjet e Azisë. Në Afrikë, leopardët e zinj janë jashtëzakonisht të rrallë.
Duke përmbledhur leopardin e zi në tre fjalë, Burrard-Lucas tha: ‘Ata janë me të vërtetë mahnitës, të bukur dhe të pakapshëm’.
“Macja e madhe” që ai kishte kapur u konfirmua si një femër e mitur, që udhëtonte me një leopard më të madh, që mendohej të ishte prindi i saj. /TIRANA TODAY
