Zëdhënësja e PD-së, Ina Zhupa ka reaguar ashpër në lidhje me projekt buxhetin e vitit 2020 të Bashkisë së Tiranës.
Përmes një postimi në Facebook, Zhupa thotë se ky projekt buxhet parashikon më shumë taksa dhe tarifa për qytetarët. Ajo akuzon Veliajn se po shpërdoron paratë e qytetarëve të Tiranës për projektet e tij “korruptive edhe klienteliste”.
Sipas saj, ky projekt buxhet nuk ka lidhje me interesat e qytetarëve por me ato të xhepave të oligarkëve dhe klientëve të kryebashkiakut.
Postimi i plotë:
Projekt Buxheti i Bashkisë Tiranë: më shumë taksa dhe tarifa për qytetarët, vazhdojnë me synimet për aferat korruptive dhe shtojnë shpenzimet për administratën.
Veliaj parashikon te shpërdoje parate e qytetareve te Tiranes per te vazhduar idene e projekteve korruptive edhe klienteliste:
Parashikon shpenzime konsulece për projektin e shëmbjes së Teatrit Kombëtar dhe kullave të Fusha shpk.
Parashikon vazhdimin e idesë së uzurpimit të kopshtit botanik, duke e cilesuar atë si hapesire të kopshtit zoologjik .
Parashikon shpenzime për ndertimin e Landfillit , inceneratorit të mbetjeve në Tirane, projekte të denoncuara edhe më parë nga Partia Demokratike për skemen klienteliste edhe korruptive.
Parashikon fryrjen e administrates së Bashkisë Tiranë, ku është faktuar nga publikimet e mediave që me dhjetra punonjës janë të dedikuar për propagaden e rrjeteve sociale. Duke harxhuar buxhetin e taksave të qytetarëve për më shumë propagandë.
Parashikon rritjen e tarifave për parking dhe pakësimin e zonave për parkimet e banoreve pa pagese.
Parashikon rritjen e takses së arsimit!
Qartësisht është një projekt buxhet që s`ka lidhje me interesat e qytetarëve të Tiranës, por me xhepat e oligarkeve dhe klienteve të Veliajt. Një derë e hapur për aferat korruptive dhe një derë e mbyllur për interesat e qytetarëve.
