Presidenti Meta i ka kërkuar Prokurorisë që të tregojë në lidhje me veprimet antiligjore që sipas kreut të shtetit, janë bërë nga kryetari i KED, Ardian Dvorani.
Gjatë konferencës që mbajti për mediat, Meta deklaroi se nëse nuk do ketë hetim për Dvoranin, do të ketë një ndëshkim ndërkombëtar.
Ndërkohë në lidhje me projektrezolutën e miratuar ditë e sotme në Kuvend, Meta u shpreh:
“Unë edhe njëherë tjetër i kërkoj prokurorisë që të tregojë integritet në këtë moment të rëndësishëm për rivendosjen e besimit tek opinioni publik për reformën. Jam i gatshëm që të bashkëpunoj bashkë me institucionin që unë përfaqësoj në mënyrë të ngushtë. Gjithçka është e mirë dokumentuar. Kushtetutën e Shqipërisë e kemi bërë me SHBA dhe me BE dhe me Komisionin e Venecias, në mënyrë të qartë. Sepse përndryshe do të ketë hetim ndërkombëtar për këtë çështje dhe ndëshkim ndërkombëtar për këtë çështje. Pasi ka 2 vite që është sabotuar qëllimisht. Kjo pasi ky person i partisë bën këto manipulime, dhe do të sqarohen edhe më tej këto veprime”.
