Presidenti Ilir Meta ka paralajmëruar nxjerrjen e një dekreti për shpërndarjen e qeverisë.
Në një intervistë për “Syri Tv”, kreu i shtetit tha se të gjithë policët që kanë ushtruar dhunë në protestat e zhvilluara për teatrin do të shkojnë në burg.
Meta deklaroi se dekretet e ardhshme do t’i zbatojë bashkë me popullin.
“Unë duhet të mendoj edhe për situata të tjera se po shkojnë në situata të paparashikueshme por duhet të mendoni e ju e shoqëria civile e qytetarët, të gjithë duhet të jemi të gatshëm të mbrojmë e të shpëtojmë demokracinë.
Nuk nxjerr më dekretet si 13 tetori, nëse e nxjerr do nxjerr për shpërndarjen e qeverisë e do emëroj qeverinë e s’do i çoj me këta policët e Lleshit por do i çoj me popullin shqiptar, mbaje mend ti, por nëse populli shqiptar mendon se kjo është situatë e mirë, unë s’jam aventurier.
Unë këta policë do i çoj në burg nesër mbaje mend, se i kam identifikuar. Unë dekretet do i zbatoj me popullin herë tjetër, nëse populli s’është i gatshëm, të vish edhe ti me mua, të çojmë kryeministrin e ri në zyrë atje nëse populli përkrah një gangster kjo është një çështje tjetër, le të vazhdojë populli”, tha ai.
