Deputeti Halit Valteri e ka marrë fjalën në Kuvend, ndërsa i është referuar shqetësimit të ngritur nga Rudina Hajdari.
Ai zbuloi ndër të tjera se Hajdari ka 10 ditë që është kërcënuar, ndonëse e ngriti si shqetësim ditën e sotme.
Po kështu, Valteri lëshoi deklaratën ‘bombë’, se ky nuk është rasti i parë.
“Rudina Hajdari ka 10 ditë që është kërcënuar. Kjo ngjarje bën ‘pis’ kostumin e deputetit. Znj. Hajdari do ta sqarojë në mënyrë të saktë. Masat duhet të merren nga shteti, edhe pse ky nuk është rasti i parë”, është shprehur Halit Valteri.
Në seancën e sotme parlamentare, Hajdari bëri me dije se ka dërguar një shkresë për marrjen e masave, dhe i kërkoi kryetarit të Kuvendit, Gramoz Ruçit, që sa më shpejt të shtohet siguria, sikurse ajo tha, “përpara se të ketë një viktimë në Parlament”.
“Jam kërcënuar në zyrë!”/ Ruçi merr masat ndaj Rudina Hajdarit
