Në Kinë sot është hapur edhe spitali i veçantë për trajtimin e pacientëve me koronavirus. Stafe punëtorësh nga kompani të ndryshme dhe vullnetarë nga Wuhani, kanë punuar vullnetarisht për ndërtimin e këtij spitali, që është përfunduar brenda 48 orësh, shkruan “Dailymail”.
Spitali do t’i ketë 1.000 shtretër. Me të përfunduar ndërtimi i spitalit, pacientët kanë nisur të akomodohen menjëherë.
Autoritetet kineze e kanë konfirmuar transmentimin e virusit nga njeriu tek njeriu. Por ende e pasqaruar është se sa lehtë kalon virusi mes njerëzve dhe nëse në zhvillimin e mëtejshëm ai pëson mutacione, duke u përshtatur tek strehuesi i ri, njeriu.
Infektimet e para janë lokalizuar në një treg peshku, të mbyllur ndërkohë në provincën kineze Wuhan, ku shiteshin edhe kafshë të egra. Me gjasë virusi ka kaluar fillimisht nga kafsha tek njeriu (zoonosa), ose si shumë të tjera përmes ajrit. Zoonosa mund të transmentohet edhe nga ushqimet, si për shembull mishi, kur nuk është i zier mirë ose i përgatitur në kushte higjienike të duhura.
Ekspertët ende nuk e shohin rrezikun e një përhapjeje botërore.
