Gjykata e Krimeve të Rënda ka caktuar masën e dënimit për 3 gjyqtarët e Apelit të Durrësit, Kliton Spahiu, Petraq Dhimitri dhe Petrit Çeno. Gjykata ka pranuar kërkesën e prokurorisë duke dënuar me nga 3 vite gjyqtarët dhe me një vit burg biznesmenin Namik Sadiku.
Por sipas Report Tv, për shkak se procesi u zhvillua me gjykim të shkurtuar, u aplikua ulja me 1/3 e dënimit për të akuzuarit. Kjo do të thotë që 3 gjyqtarët do të bëjnë vetëm 2 vite burg.
Gjyqtarët në fjalë u bënë të njohur 5 vite më parë, pasi në tetor 2014 shkuan në Spanjë ,në shoqërinë e biznesmenit Namik Sadiku. Biznesmeni Sadiku, pronari i një kompleksi turistik në Durrës, ishte palë në një çështje gjyqësore në Gjykatën e Apelit Durrës, ku relator ishte gjyqtari Spahiu dhe anëtarë të trupit gjykues ishin Petrit Çeno dhe Petraq Dhimitri.
Në udhëtimin e paguar nga biznesmeni, përfshihej ndjekja e ndeshjes së futbollit midis Real Madrid dhe Barcelonës, i njohur si derbi “El Classico”.
Në atë kohë, pas zbulimit të skandalit , 3 gjyqtarët u akuzuan për veprën penale “Korrupsion pasiv të gjyqtarëve, prokurorëve apo punonjësve të tjerë të Drejtësisë” dhe sot u dënuan nga Krimet e Rënda.
Por sipas Report Tv, për shkak se procesi u zhvillua me gjykim të shkurtuar, u aplikua ulja me 1/3 e dënimit për të akuzuarit. Kjo do të thotë që 3 gjyqtarët do të bëjnë vetëm 2 vite burg.
