Autoritetet shëndetësore në Itali raportojnë se gjatë 24 orëve të fundit janë regjistruar 6 viktima nga koronavirusi, dy më shumë se një ditë më parë.
Ndërkohë, raportohet për një ulje të ndjeshme të numrit të rasteve të reja. Në 24 orët e fundit janë regjistruar 996 raste të reja, në krahasim me 1.365 që u konfirmuan dje.
Në Rajonin e Lombardisë gjatë 24 orëve të fundit u raportua për 2 viktima dhe 135 raste të reja pozitiv.
Sipas Worldometers, që prej shpërthimit të pandemisë, në Itali janë regjistruar mbi 268 mijë raste infektimi dhe 35.483 viktima nga COVID-19. Aktualisht, më shumë se 24 mijë raste janë ende aktive në shtetin fqinj.
