Situata lidhur me koronavirusin në Itali po shkon drejt përmirësimit.
Autoritetet përkatëse në shtetin fqinj, bënë me dije se në 24 orët e fundit kanë humbur jetën 18 persona.
Sipas të dhënave, ky është bilanci më i ulët i humbjeve të jetës që prej 2 Marsit.
Ulje drastike ka pësuar dhe numri i rasteve të reja të konfirmuara me COVID-19, të cilat ishin 122.
Që nga nisja e pandemisë, në Itali numërohen 34.675 viktima dhe mbi 238 mijë persona të infektuar me koronavirus.
