Shqiptarët nga Kosova, për çdo fundjavë shohin Shqipërinë si një ndër destinacionet kryesore për të pushuar. Edhe kur pandemia kapi pikun e saj, ata nuk u ndalën për asnjë çast.
Fundjava ka sjellë fluks automjetesh që kalojnë pikën e kufirit në Morinë. Rritja e temperaturave dhe ulja e numrit të të infektuarve, ka ndikuar në shtimin e numrit të vizitorëve nga Kosova drejt Shqipërisë.
Gjatë orëve të para të ditës, është vënë re një fluks i lartë mjetesh e qytetarësh. Ndërkohë pritet që numri i turistëve nga Kosova të jetë edhe më i madh gjatë sezonit, për shkak edhe të rënies së infektimeve ditore nga koronavirusi.
Për shkak të fluksit, policisë kufitare në Morinë i është dashur të aplikojë procedurën e përshpejtuar, dhe të punojë me kapacitet të plotë me 6 sportele, për të shmangur radhët dhe pritjet e gjata.
