Italia po regjistron një rritje të rasteve me koronavirus në ditët e fundit.
Gjatë 24 orëve, në vendin fqinj janë shënuar 276 raste të reja me koronavirus, duke e çuar në 242,639 numrin total të rasteve. Nga këto, 135 raste janë regjistruar vetëm në rajonin e Lombardisë.
Ndërkohë, në 24 orët e fundit kanë ndërruar jetë edhe 12 persona, të cilët ishin të prekur me Covid-19. Kështu shkon në 34,938 numri total i personave që kanë humbur jetën nga ky virus në Itali. Më shumë se 13 mijë raste janë ende aktive në vendin fqinj.
