Italia është përballur me një dyfishim të viktimave nga koronavirusi gjatë 24 orëve të fundit.
Sipas autoriteteve shëndetësore, sot në Itali u konfirmuan 14 viktima, ndryshe nga 7 që u shënuan dje.
Ndërsa, është vënë re një ulje e numrit të rasteve të reja. Gjatë 24 orëve të fundit, në shtetin fqinj janë shënuar 1008 raste, 450 më pak se një ditë më parë.
Që prej shpërthimit të pandemisë, Italia ka regjistruar gjithsej 288.761 raste pozitive me COVID-19 dhe 35.624 viktima.
Më shumë se 29 milionë njerëz nga e gjithë bota janë prekur nga koronavirus, ndërsa rreth 930 mijë persona kanë humbur jetën.
