Presidenti i Brazilit, Jair Bolsonaro deklaroi së fundmi se herët a vonë të gjithë do infektohen me koronavirus.
“Më vjen keq për ata që kanë humbur jetën, por dua ta bëj të qartë. Karantina shërbeu për t’i dhënë kohë spitaleve të përgatiten për virusin, me mjetet e nevojshme dhe respiratorët për ata që u infektuan.
Qëllimi ynë tashmë është që një i infektuar, të mos infektojë të tjerët, por herët a vonë të gjithë do infektohemi”, tha Bolsonaro.
Kujtojmë se Brazili është vendi i dytë me numrin më të lartë të të infektuarve në botë, me më shumë se 1.5 milionë raste dhe shifrat pritet të rriten teksa baret, restorantet apo palestrat u hapën ndërsa betejën me Covid-in e kanë humbur mbi 60 mijë persona.
