Kriza e koronavirusit mund të përfshijë nga varfëria gjysmë milardë njerëz në botë. Lajmi është dhënë në shenjë kambane alarmi nga Organizata Ndërkombëtare Bamirëse Oxfam, ku një thirrje vjen për udhëheqësit në botë.
Organizata kërkon nga ta që të krijojnë një paketë gjithëpërfshirëse të shpëtimit, për të parandaluar ndikimin ekonomik të pandemisë.
Duke iu referuar një raporti të lëshuar më 9 prill, thuhet se “vendet e pasura” kanë dëshmuar se gjatë krizës ata mund të mobilizojnë triliona dollarë për të mbështetur ekonomitë e tyre.
“Ata duhet të bëjnë të njëjtën gjë edhe për kombet më të varfëra”, vlerëson Oxfam.
Ky raport është pasqyruar para takimeve të javës së ardhshme të Fondit Monetar Ndërkombëtar (FMN), Bankës Botërore, dhe Ministrat e financave të G20 (vendet me ekonomitë më të zhvilluara në botë).
“Varfëria globale mund të rritet për herë të parë që nga viti 1990”, tha Oxfam, duke shtuar se një rritje e tillë mund t’i vendosë disa rajone në nivele të varfërisë “të ngjashme me ato të regjistruara për herë të fundit 30 vjet më parë”.
