Duke filluar nga data 24 dhjetor, lëvizjet do të kufizohen nga ora 20:30 e mbrëmjes deri në orën 6 të mëngjesit. Komiteti teksnik i ekspertëve vendosi që kjo fashë orare do të vazhdojë deri më 4 janar.
Por, kryetarja e LSI, Monika Kryemadhi mendon se pandemia po keqmenaxhohet. Sipas saj, njerëzit kanë frikë të shkojnë në spitale që të kurohen.
Qeveria nuk u fokusua tek pandemia që në fillim. Miqtë e mi kanë frikë të shkojnë në spital, është krijuar pasiguri tek jeta e njerëzve, njerëzit janë në ankth po kalojnë në depresion. Do ishte një armë e mirë nëse qeveria do t’i donte më shumë njerëzit e saj. Unë nuk dua të bëhem eksperte shëndetësore, por dua të them që keqmenaxhimi i kësaj situate nga qeveria do të sjellin vendime absurde, të cilat unë mendoj që këto kufizme nuk e shërojnë shqiptarët nga Covid dhe nuk shtojnë mundësitë financiare që të kenë mundësi për të paguar.
Unë dua të theksoj që më vjen keq që shqiptarët çdo dite e më shumë po përballen me një depresion psikologjik. Njerëzit nuk kanë asnjë lloj orientim të qartë. Një nga problemet që ka qeverisja sot është se nuk mendon si ta zgjidhë problemin dhe si t’i ndihmojë qytetarët shqiptarë, por si t’i tmerrojë qytetarët, që ta kenë më të lehtë për t’i kontrolluar.”, tha Kryemadhi në ”Vizion Plus”.
