Ministri italian i Shëndetësisë, Roberto Speranza, ka publikuar listën e 13 vendeve me të cilat Italia do të mbyllë kufijtë.
Në listën e publikuar nga Ministria e Shëndetësisë përfshihen 13 vende që konsiderohen me rrezik: Armenia, Bahrein, Bangladeshi, Brazili, Bosnje-Hercegovina, Kili, Kuvajti, Maqedonia e Veriut, Moldavia, Oman, Panama, Peruja dhe Republika Dominikane.
Sipas ministrit, për të shmangur rrezikun e “rigjallërimit të virusit”, fluturimet direkte dhe indirekte drejt dhe nga këto vende janë pezulluar.
“Ne kemi zgjedhur linjën e kujdesit maksimal”, theksoi ai.
Gjatë 24 orëve të fundit, Italia ka regjistruar 15 viktima nga koronavirusi dhe 229 raste të reja.
