Ish-ministri i Shëndetësisë dhe ish-deputeti demokrat Tritan Shehu, ka përcjellë një reagim pasi Ministria e Shëndetësisë njoftoi për 57 të infektuar me COVID-19, shifra më e lartë ditore që kur pandemia preku edhe vendin tonë.
Gjatë 24 orëve të fundit janë kryer 362 testime për të dyshuar të prekur me COVID-19, nga të cilat janë konfirmuar 57 raste pozitive.
Kruja ka numrin më të lartë të rasteve ditore, me 16 të prekur që lidhen me aktivitete biznesi dhe kontakte të tyre, e ndjekur nga Tirana me 14 raste, 9 në Vlorë, 8 në Shkodër, 6 në Lushnje, 2 në Pukë, 1 në Durrës, 1 në Fier.
Ndërkohë që janë në hetim shumë raste të reja në Tiranë, Vlorë, Shkodër dhe Krujë. Mjaft i shqetësuar për situatën në vendin tonë me pandeminë, Shehu shprehet se Shqipëria sot barazon me Kinën, me nga 57 raste te reja COVID-19 secila.
Duke e krahasuar vendin tonë me Kinën, ai shkruan në një postim në Facebook se Kina me 1.5 miliard banorë, shqetesohet dhe vepron me energji në planin epidemiologjik. E ndërsa Shqipëria, sipas tij, ka rënë në gjumë ose vetëm bën propagandë.
Statusi
Shqiperia sot barazon me Kinen, me nga 57 raste te reja Covid secila!
Po po, eshte e vertete, ne 24 oret e fundit jemi me te njejtin numer rastesh te reja me Kinen.
Por me disa ndryshime:
—Kina me 1,5 miliard banore shqetesohet shume nga ky numer dhe vepron me energji ne planin epidemiologjik.
Shqiperia me 2,8 milion banore….”gjume” ose vetem propagande!
—Kina njofton se te gjithe personelit mjekesor e qytetareve me temperature po u behen apo do tu behen testet virusale, imunologjike etj speciale, pra dhjetra milione te tille.
Shqiperia ul me 5-6 here numrin e testimeve ne Tirane ku jane vatrat kryesore, per te aritur ne nivelin me te ulet te tyre sot, 32 virologjike e 3 imunologjike ne 24 ore me nje pozitivitet te frikshem afer 50%. Nderkaq nuk ipet asnje e dhene per numrin e testimeve, llojin e rezultatet e tyre ne QSUT e senatorium, se per institucionet e tjera shendetesore e kujdesin paresor as qe behet fjale.
—Kina mobilizon te gjithe kapacitet laboratorike te vendit per te realizuar numra te tilla testimesh.
Shqiperia vazhdon te mos lejoje ne menyren me antishkencore laboratoret e vendit qe te realizojne egzaminimet perkatese, duke vazhduar me menyrat konspirative vetem ne IShP per virologjiket e ne QSUT per imunologjiket, edhe kjo pa asnje transparence per licensimin, vendet qe i perdorin apo i kane refuzuar keto kite te ketyre te fundit.
Une mendoja se per shume aresye kjo Rilindje do te ecte se paku ne gjurmet e Kines, por dhe kjo nuk qenka e thene…sic duket kane hyre ne fazen e luftes si dikur kunder Ten Siao Pin-t!
