Ish-kryebashkiaku Vangjush Dako dhe familja e tij, me gjasë mund të jenë infektuar nga koronavirusi. Burimet bëjnë me dije se ka rezultuar pozitivë ish-kryebashkiaku Vangjush Dako dhe bashkëshortja e tij, e cila punon në Drejtorinë e Shëndetit Publik, në qytetin e Durrësit.
Të gjithë punonjësit e laboratorit mikrobiologjik në Drejtorinë e Shëndetit Publik në Durrës që janë marrë me analizat, sot janë në shtëpi. Laboratori është mbyllur. Mbyllja ka ardhur pasi 4-5 punonjës të laboratorit kanë dalë pozitiv me koronavirus. Burime për “Ora News” konfirmojnë se mes tyre dyshohet të jetë Dako me bashkëshorten.
“Mes tyre dyshohet të jetë edhe bashkëshortja e ish-kryebashkiakut të Durrësit, Vangjush Dako. Madje dyshohet se edhe Vangjush Dako të ketë bërë tamponin e koronavirusit, por nuk janë dhënë të dhëna si kanë dalë rezultatet e tij. Në çerdhet dhe institucionet që administrohen nga shëndeti publik, duke qenë se personeli ka qenë më ndërrime mujore kanë nisur të bëhen tamponët. Paniku është i madh dhe rreziku serioz”, raportoi gazetari i “Ora News”. Ende nuk ka informacione se ku mund të jetë infektuar familja Dako.
