Dalin pamjet e operacionit anti-kanabis të shtrirë në Shqipëri dhe në Itali, ku janë goditur 4 grupe kriminale, pas më shumë se dy vitesh hetime.
27 persona kanë rënë në pranga, mes të cilëve 21 shqiptarë dhe 6 të tjerë italianë. Sipas policisë italiane, grupet kriminale kishin si bazë qendrore Lecen dhe veprimtarinë e tyre të trafikimit e kishin shtrirë në disa qytetet të tjera si Kalabri, Toscana, Emilia Romagna, Sicili, Liguria dhe Lombardia.
Personat e arrestuar akuzohen për veprat penale krijimin e organizatave kriminale, trafikun ndërkombëtar të drogës, armëve dhe municioneve nga Shqipëria drejt Italisë dhe më pas në vende të tjera.
Në operacionin e koduar “Lulet e Pranverës” morën pjesë 100 efektivë dhe pas dy vitesh hetime është bërë e mundur kapja dhe arrestimi i të përfshirëve, të cilët rezultojnë si pjesë e katër grupeve kriminale.
