Numri i të vdekurve nga koronavirusi po ecën me hapa të shpejtë. Shumë shtete janë gjetur të papërgatitur për këtë situatë. Mjekët janë ata të cilët janë personat e parë të riskuar për t’u infektuar. Shumë prej tyre madje edhe e kanë humbur betejën me COVID-19. Një video tronditëse që tregon trupa të viktimave të koronavirusit, të shtrirë pranë pacientëve që po luftojnë me sëmundjen, është kapur brenda një spitali brazilian. 14 viktima të COVID-19 ishin duke u mbajtur pranë pacientëve, të cilët janë në luftë të vazhdueshme me koronavirusin.
Këto pamje të rënda janë regjistruar në Spitalin e Urgjencës Joao Lucio në qytetin Manaus, në shtetin verior të Brazilit, Amazonas.
Videoja që raportohet se është regjistruar nga një infermiere, tregon trupat e viktimave të shpërndarë në korridoret e spitalit, të shtrirë në shtretër, pranë pacientëve me intubacion.
