Në Itali po bëhet nami me të infektuarit. Vala e dytë e pandemisë është më e fortë sesa ajo e para, e sipas ekspertëve, na pret një dimër i vështirë. Shpesh në media janë pasqyruar pamjet e pacientëve që kanë ndërruar jetë, e mjetet në pritje për të shtruar të infektuarit.
Videoja e fundit e cila është bërë virale, tregon një person që ka humbur jetën në tualetin e një spitali në Napoli. Në lidhje me këtë ngjarje të rëndë ka reaguar edhe drejtori i përgjithshëm i spitalit, Giuseppe Longo, i cili theksoi se është për të ardhur keq që ngjarje të tilla bëhen mediatike.
Longo tha se është hapur një hetim për të zbuluar se kush e bëri videon. Pacienti ishte trajtuar për Covid-19, por shkaku i vdekjes së tij nuk dihet, megjithëse dyshohet se ai pati një sulm në zemër. Sipas një burimi nga spitali, dikush hyri në tualet për të bërë një foto, ndërsa stafi nuk ishte aty.
